ក្នុងឱកាសអបអរសាទរគម្រប់ខួបទី២០នៃហាងសម្លៀកបំពាក់ Ambre ក្រុមហ៊ុនបានបង្កើតកម្មវិធីបង្ហាញម៉ូដសម្លៀកបំពាក់ និង ពិធីជប់លៀងភេសជ្ជៈយ៉ាងអធិកអធមនៅរាត្រី ថ្ងៃសៅរ៍ ទី២៣ ខែវិច្ឆិកា ឆ្នាំ២០១៩ វេលាម៉ោង ៦ ល្ងាច នៅទីតាំងវិមានរាជរដ្ឋាភិបាល ក្រុមប្រឹក្សាអភិវឌ្ឍន៍កម្ពុជា (ហៅកាត់ថាCDC) ស្ថិតនៅតាមបណ្តោយតិរវិថីព្រះស៊ីសុវត្ថិ សង្កាត់វត្ដភ្នំ ខណ្ឌដូនពេញ រាជធានីភ្នំពេញ។ កម្មវិធីនេះមានការអញ្ជើញចូលរួមពីសំណាក់ភ្ញៀវកិត្តិយសជាតិ និងអន្តរជាតិ ជាពិសេសអ្នកឯកទេសក្នុងវិស័យហ្វេហ្សិនយ៉ាងច្រើនកុះករក្រោមព្រះរាជាធិបតីភាពដ៏ខ្ពង់ខ្ពស់របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី៕
ព្រះករុណាព្រះបាទសម្តេចព្រះបរមនាថ នរោត្តម សីហមុនី