សណ្ឋាគាររ៉ូសវូដភ្នំពេញបង្កើតពិព័រណ៍សិល្បៈដ៏ធំមួយដែលមានឈ្មោះថា «20 Eyes on the Royal Ballet 2020»
NEWS 4 years agoកាលពីល្ងាចថ្ងៃទី ៥ ខែ មីនា ឆ្នាំ ២០២០ នេះសណ្ឋាគាររ៉ូសវូដភ្នំពេញបានបើកសម្ពោធពិព័រណ៍ដ៏ធំមួយដែលមានការអញ្ជើញចូលរួមជាកិត្តិយសពីសំណាក់រដ្ឋមន្រ្តីក្រសួងវប្បធម៌និងវិចិត្រសិល្បៈ លោកជំទាវ ភឿងសក្កណា អ្នកមុខអ្នកការ តារាភាពយន្ត និងសិល្បករជាច្រើនរូបទៀតផង។ ការបង្កើតពិព័រណ៍សិល្បៈ ដែលមានឈ្មោះថា «20 Eyes on the Royal Ballet 2020» គឺជាការរំឭកនូវតម្លៃនៃរបាំព្រះរាជទ្រព្យកម្ពុជា ដែលមានការតាំងពិព័រណ៍ស្នាដៃរួមគ្នាពីសំណាក់សិល្បៈករខ្មែរនិងបរទេសចំនួនដប់រូប ដោយក្នុងនោះរួមមានការបង្ហាញស្នាដៃគំនូរ រូបថត រូបសំណាក់ សម្លៀកបំពាក់ និងស្នាដៃសិល្បៈជាច្រើនទៀតក្នុងផ្នត់គំនិតតែមួយគឺចង់បង្ហាញពីរបាំព្រះរាជទ្រព្យរបស់ខ្មែរ។ សិល្បករដែលមានស្នាដៃក្នុងពិព័រណ៍នេះរួមមាន៖ Suos Sodavy, Chhim Sothy, Din Art, Chanton Tep, Sot Serey, Heartwork, Anders Jiras, FONKi, George Groslier, Patrick Kersalé, Kersalé។
គួរជម្រាបផងដែរថា ពិព័រណ៍នេះបានបើកឲ្យសាធារណៈចូលរួមទស្សនាចាប់ពីថ្ងៃទី ៥ ខែ មីនា រហូតដល់ថ្ងៃទី ៣០ ខែ មិថុនា ឆ្នាំ ២០២០ នៅវិចិត្រសាលសិល្បៈនៃសណ្ឋាគាររ៉ូសវូដភ្នំពេញជាន់ទី៣៥៕
Article by KEO SONG