សាកល្បងមុខម្ហូបប្រណិតៗ ក្រោមបរិយាកាសបែប vintage លំដាប់ក្នុងភោជនីយដ្ឋាន «Le Phnom 1929»
TRAVEL & LIVING 4 years agoភោជនីយដ្ឋានមួយដែលមានការរៀបចំបែបក្លាស៊ីកទំនើបតាមលំនាំរចនាប័ទ្មបារាំងបុរាណស្អាតប្លែកប្រកបដោយប្រណិតភាព និងផាសុកភាពបានលេចរូបរាងឡើងនៅកណ្ដាលរាជធានីភ្នំពេញមានឈ្មោះថា «ឡឺ ភ្នំ ១៩២៩» (Le Phnom 1929) ហើយទើបតែបើកដំណើរការ និងទទួលស្វាគម៍ភ្ញៀវកត្តិយសគ្រប់លំដាប់នៅថ្ងៃទី១ ខែមីនា ឆ្នាំ២០២០នេះ។ «ឡឺភ្នំ ១៩២៩» មានទីតាំងស្ថិតនៅក្នុងសណ្ឋាគារ រ៉ាហ្វល ភ្នំពេញ ឡឺរ៉ូយ៉ាល់ ខាងលិចដែលអមទៅដោយដើមឈើធំៗប្រកបដោយម្លប់ត្រឈឹងត្រឈៃ និងសួនច្បារធំទូលាយ ជាអតីតហាងកាហ្វេមុន្នីវង្ស ត្រូវបានគេរចនាឡើងវិញក្លាយជាភោជនីយដ្ឋានដ៏ប្រណិតបំផុត និងយកលំនាំឈ្មោះដើមដំបូងរបស់សណ្ឋាគាររ៉ាហ្វល ដែលមានឈ្មោះថា «សណ្ឋាគារ ឡឺ ភ្នំ» ស្របតាមទីតាំងនៅរាជធានីភ្នំពេញបង្កើតឡើងតាំងពីឆ្នាំ១៩២៩។ ការផ្លាស់ប្តូរនេះ ធ្វើឡើងដើម្បីជាការអបអរសាទរ ខួបនៃសណ្ឋាគារដែលបង្កើតតាំងពីឆ្នាំ១៩២៩ ក៏ដូចជាស្វាគមន៍នូវអនាគតដ៏ត្រចេះត្រចង់នៃសណ្ឋាគាររ៉ាហ្វលឡឺរ៉ូយ៉ាល់ និងរាជធានីភ្នំពេញ ដោយសារតែវាបានឆ្លុះបញ្ចាំងដោយគំនិតច្នៃប្រឌិតបែបសហសម័យដែលត្រូវបានលាយបញ្ចូលនូវគ្រប់រសជាតិ។ ការជ្រើសរើសគ្រឿងសង្ហារិម ឥដ្ឋការ៉ូ អំពូលភ្លើង និងគ្រឿងបរិក្ខារទាំងអស់សុទ្ធសឹងតែជាការរៀបចំក្រោមផ្នត់គំនិតមួយដើម្បីឲ្យអ្នកទទួលទានមានអារម្មណ៍ថាជាមនុស្សលំដាប់ដែលបរិភោគអាហារក្នុងបរិយាកាសបែប Vintage និងធ្វើឲ្យយើងនឹកដល់កន្លែងដ៏ពិសេសនៃសណ្ឋាគាររ៉ាហ្វលឡឺរ៉ូយ៉ាល់ កាលពីសម័យអាណានិគមបារាំងនាមួយសតវត្សន៍មុន។
លើសពីបរិយាកាសដ៏ល្អអស្ចារ្យនេះ មុខម្ហូបក៏ជារបស់ពិសេសមួយដែលយើងគួរតែសាកល្បង និងមកស្គាល់នូវរសជាតិដ៏ឈ្ងុយឆ្ងាញ់ និងតម្លៃសមរម្យពីសំណាក់ចុងភៅចំណានៗជាច្រើនរូបទាំងខ្មែរ និងបរទេសដែលមានបទពិសោធន៍ការងារជាមេចុងភៅជាច្រើនឆ្នាំមកផងដែរ។ ការរៀបចំម្ហូបដែលប្រកបទៅដោយអនាម័យខ្ពស់ត្រូវបានអ្នកជំនាញរៀបចំម្ហូបរចនាឡើងប្រកបដោយសិល្បៈនិយមដែលធ្វើឲ្យយើងកាន់តែសប្បាយចិត្តនៅពេលឃើញមុខម្ហូបជាលើកដំបូង។ តួយ៉ាងដូចជា ខ្យងចំហ៊ុយជាមួយប័រ និងខ្ទឹម នំប៉័ងជាមួយថ្លើមមាន់ចិញ្ច្រាំ សាច់គោដែលមានគុណភាពខ្ពស់ អាហារសមុទ្រស្រស់គ្រប់មុខ សាច់គោចិញ្រ្ចាំជូរអែម Tartare អាហារបួស និងមុខម្ហូបគ្រប់រសជាតិជាច្រើនទៀត គឺសុទ្ធសឹងតែមានឳជារសឆ្ងាញ់ពិសារ និងអនាម័យខ្ពស់ជាទីបំផុត។ Le Phnom 1929 បម្រើនូវមុខម្ហូបបីពេល ដោយពេលព្រឹកនឹងមានអាហារប៊ូហ្វេដ៏ពិសេស ហើយសម្រាប់អាហារថ្ងៃត្រង់ បរិយាកាសនៅក្នុងភោជនីយដ្ឋាននឹងមានសភាពរីករាយបែបសាមញ្ញស្ងប់ស្ងាត់ដែលធ្វើឲ្យអ្នកទទួលទានអាហារមានសន្តិភាពក្នុងចិត្តបំផុត។ ពេលល្ងាចបរិយាកាសក៏បានប្រែក្លាយជាអធិកអធមបន្តិចម្តងៗជាមួយនឹងកម្មវិធីកំសាន្តសប្បាយៗគួរឲ្យចាប់អារម្មណ៍ជាមួយនឹងស្រាក្រឡុកប្រចាំភោជនីយដ្ឋានពិសេសៗជាច្រើនមុខរឹតតែធ្វើឲ្យអ្នកបរិភោគកាន់តែមានភាពកំសាន្តសប្បាយមួយកម្រិតទៀតនាពេលរាត្រី៕
សម្រាប់ព័ត៌មានបន្ថែម សូមចូលទៅកាន់គេហទំព័រ www.raffles.com/phnom-penh។ សម្រាប់ការកក់ទុក សូមផ្ញើរសារទៅកាន់អ៊ីម៉ែល dining.leroyal@raffles.com ឬទំនាក់ទំនងតាមលេខទូរសព្ទ 023 981 888
Advertising Article
Escargot
Rivera Tomato Mussels
Veal Paillard
Sydney Rock Oysters