ទឹកអប់កុលាបរូបរាងថ្មីម៉ាក BVLGARI សហការជាមួយអ្នកឌីហ្សាញកូរ៉េ Kathleen Kye
NEWS 3 years agoក្រុមហ៊ុនទឹកអប់លំដាប់ថ្នាក់ពិភពលោកម៉ាក BVLGARI ថ្មីៗនេះបានបង្ហាញផលិតផលថ្មីសន្លាង របស់ខ្លួន គឺ ប្រភេទទឹកអប់ផ្កាកុលាបរូបមន្តដើមមានឈ្មោះថា Rose Goldea Eau de Parfum (limited Edition) ដែលត្រូវបាន សម្រិតសម្រាំងរចនារូបរាងថ្មីប្លែកក្រោមគំនិតច្នៃប្រតិដ្ឋរបស់សិល្បការិនីជនជាតិ កូរ៉េដ៏មានកេរ្តិ៍ឈ្មោះ គឺកញ្ញា ខាតហ៍លីន ខាយ (Kathleen Kye) ក្នុងគោលបំណងបង្ហាញនូវឥទ្ធិពលអំណាចដ៏ខ្លាំងក្លារបស់ស្រ្តីទូទាំងពិភពលោក។
អត្ថន័យនៃការរចនាម៉ូដថ្មីនៅលើសំបកដប
• ខ្សែស្រកាពស់ពោរពេញដោយសិល្ប៍វេទមន្ត:
ផ្លាស់ប្តូរយុវតីទាំងឡាយឲ្យមានជីវិតប្រកបដោយភាពអង់អាចក្លាហានដូចវីរនារី។
• ផ្កាកុលាបជានិមិត្តរូប:
និមិត្តរូបផ្កាកុលាបដកស្រង់ចេញពីទឹកអប់ប្រភេទ Rose Goldea បានឆ្លុះបញ្ចាំងពីស្រ្តីដែលមានទំនុកចិត្ត និង មានសមត្ថភាពក្នុងការរក្សាតម្លៃដ៏ផូរផង់របស់ខ្លួនពីពិភពលោក។
• ពស់ដ៏មានមហិទ្ធិរិទ្ធ:
ពាំនាំស្រ្តីដែលប្រើប្រាស់ទឹកអប់ Goldea ទៅកាន់ទំព័ររឿងរ៉ាវជីវិតថ្មីប្លែក។ ការរចនាម៉ូដតាមលំនាំសត្វ ពស់ត្រូវបានប្រតិដ្ឋឡើងនៅលើកសំបកដបដ៏ស៊ីវិល័យហើយមហិមាក្រៃលែង។
• គ្រាប់ពេជ្រចែងចាំង:
មានគុណភាពរឹងមាំប្រៀបដូចជាភាពរឹងមាំរបស់ស្រ្តីនិងមានតម្លៃកាត់ថ្លៃមិនបានដូចសេរីភាពរបស់ស្រ្តី។
• បេះដូងទាំងទ្វេ:
បង្កប់នូវសារចែករំលែកដ៏មានសារៈសំខាន់ជាមួយនឹងមនុស្សដែលលោកអ្នកស្រឡាញ់ពេញបេះដូង។
• ហត្ថលេខារបស់កញ្ញាខាយ (Kyle) :
ជាត្រាសម្គាល់អត្តសញ្ញាណពិតប្រាកដរបស់សិល្បការិនីផ្ទាល់តែម្តង។
ក្លិនទឹកអប់
ធាតុផ្សំនៃក្លិន: ក្លិនផ្កាចម្រុះ, ក្លិនកុលាប, ក្លិនចម្រាញ់ពីសំពោចក្រអូប, ស្រទាប់ផ្កាកុលាបស្រស់, ទឹកចម្រាញ់ពីផ្កាកុលាប Damascena និង ជ័រខ្លឹមចន្ទន៍។
ប្រសិនបើមានចំណាប់អារម្មណ៍ លោកអ្នកអាចជាវទឹកអប់ប្រភេទរូបរាងរចនាថ្មីខាងលើនេះនៅទីតាំង ផ្សារទំនើប AEON 1 ផ្សារទំនើប Aeon សែនសុខ ឬ TK៕