នៅល្ងាចថ្ងៃទី15 ខែមិថុនា ឆ្នាំ២០១៨ កន្លងទៅថ្មីៗនេះ នៅផ្សារទំនើបសូរិយាជាន់ផ្ទាល់ដី បានធ្វើការប្រកាសជាផ្លូវការសម្រាប់ការមកដល់ប្រទេសកម្ពុជានូវនាឡិកាដៃម៉ាក Nauticaក្រោមវត្តមានពីសំណាក់ តារាបង្ហាញម៉ូដ អ្នកឆ្នៃម៉ូដ សិល្បករ អ្នកតំណាងមកពីក្រុមហ៊ុនផ្សេងៗ និងបណ្ដាអ្នកសាព័ត៌មានជាច្រើនរូប។ សូមបញ្ជាក់ផងដែរថា Nautica ជាម៉ាកនាឡិកាដៃដែលនាំចូលមកពីសហរដ្ឋអាមេរិកដែលមាន Concept Design យោងតាមមហាសមុទ្រនានា និងផ្អែកទៅលើភាពទាន់សម័យរបស់ទីក្រុង។ នាឡិកាដៃម៉ាកនេះបានបែងចែកម៉ូដជាបួនប្រភេទដូចជា ម៉ូដសម្រាប់អ្នកចូលចិត្តលេងកីឡា ម៉ូដសម្រាប់អ្នកដែលចូលចិត្តប្រើនាឡិកាបែបស្ទាយអ្នកធ្វើការក្នុងការិយាល័យ ម៉ូដសម្រាប់ប្រើប្រាស់ចូលរួមក្នុងកម្មវិធីពិសេសៗ និងម៉ូដនាឡិកាដែលមានមុខងារជាច្រើន ដូចជា វាស់សីតុណ្ហភាព ក្រូណូម៉ែត្រ និងផ្សេងៗទៀត សម្រាប់អ្នកចូលចិត្តនាឡិកាដៃដែលមានមុខងារច្រើន។ នៅក្នុងថ្ងៃដ៏ពិសេសនេះដែល ក្រុមហ៊ុនក៏បានប្រកាសពី Brand Ambassador ប្រចាំប្រទេសកម្ពុជា គឺលោក ច្រឹង ពលរដ្ឋ ជាកីឡាករបាល់ទាត់ជម្រើសជាតិកម្ពុជា និងគម្រោងផ្សេងៗដែមានសារៈប្រយោជន៍ពិសេសសម្រាប់សង្គមជាតិទៀតផង។ លោកអ្នកអាចទៅស្វែងរកម៉ូដនាឡិកាដៃថ្មីមួយនេះ នៅផ្សារទំនើបសូរិយាជាន់ផ្ទាល់ដី ព្រោះថានាឡិកាដៃនេះនឹងធ្វើការតាំងបង្ហាញរយៈពេលមួយខែពេញ ពីថ្ងៃទី១៥ខែមិថុនា រហូតដល់ថ្ងៃទី 15 ខែកក្ដដា ឆ្នាំ2018 ជាមួយនឹងការផ្ដល់ជូនការ Discount ពិសេសទៀតផង៕
Article by HENG CHANMAKARA