កុំព្យូទ័រម៉ាក Koompi (គម្ពី) នឹងចាប់ផ្តើមដាក់លក់នៅក្នុងទីផ្សារកម្ពុជាដំបូងនៅចុងខែ ៨ នេះ
NEWS 6 years agoថ្មីៗនេះមានព័ត៌មានជាច្រើនដែលបានចុះផ្សាយពីកុំព្យូទ័រយួរដៃមួយដែលផលិតដោយក្រុម IT ខ្មែរមួយក្រុមហើយបានដាក់ឈ្មោះកុំព្យូទ័រយួរដៃនោះថា Koompi (គម្ពី)។ Koompi ដំណើរការដោយប្រពន្ធ័ប្រតិបត្តិការ (Operation System) មួយឈ្មោះថា KramaOS (based on Linux) ដែលបានបង្កើតឡើងដោយក្រុម IT របស់ខ្មែរតែម្តង។ KramaOS គឺជាប្រពន្ធ័ប្រតិបត្តិការ Open Source ដែលអាចអនុញ្ញាតិឲ្យអ្នកប្រើប្រាស់កម្មវិធីនានានៅលើកុំព្យូទ័រដោយ ឥតគិតថ្លៃ។ មានន័យថា កម្មវិធីដែលបានដំឡើងនៅក្នុង KramaOS និងអាចឲ្យអ្នកប្រើប្រាស់បានដោយសេរី។ KramaOS គឺជាប្រព័ន្ធប្រតិបត្តិការ Open Source មួយដែលបានសិក្សាតាំងពីយូរមកហើយ។ លោក ធុល រិទ្ធី ដែលជាអ្នកដឹកនាំក្រុមមួយរូបបានប្រាប់ សូវរីន ឲ្យដឹងថា «យើងបានសិក្សានិងស្វែងយល់អំពី KramaOS នេះ តាំងពីឆ្នាំ២០១២ មកម្ល៉េះ ក៏ប៉ុន្តែយើងទើបតែចាប់ផ្តើម ជំរុញនិងពន្លឿនប្រព័ន្ធប្រតិបត្តិការនេះនៅដើមឆ្នាំ២០១៧»។ KramaOS អាចដំណើរការលើកម្លាំងម៉ាស៊ីនកុំព្យូទ័រយ៉ាងហោចណាស់ក៏មាន RAM ទំហំ 8GB, CPU 4 cores 1.10Ghz ដែលស្មើរនឹងម៉ាស៊ីនទូរសព្ទ។ ក៏ប៉ុន្តែលោក ធុល រិទ្ធី បានបន្ថែមទៀតថា «ពួកយើងចង់ផ្តល់នូវ កម្លាំងម៉ាស៊ីន core i3 @2.4Ghz, ប៉ុន្តែពួកយើងកំពុងតែជជែកគ្នាជាមួយនឹង firmware architecture ថាវាអាចប្រើប្រាស់បានឬអត់។»
KramaOS ងាយស្រួលប្រើ ស្រួលមើលនិងអាចឲ្យកុំព្យូទ័រដើរលឿន ដោយអ្នកប្រើប្រាស់មិនចាំបាច់រង់ចាំកុំព្យូទ័របិទឬបើកឡើយ។ លោក ធុល រិទ្ធី បានបន្ថែមទៀតថា ៖ «យើងចង់ឲ្យអ្នកប្រើប្រាស់កុំព្យូទ័រនៅកម្ពុជាក្លាយជាអ្នកប្រើប្រាស់ឆ្លាតវៃ មិនមែនជាអ្នកប្រើប្រាស់ធម្មតានោះឡើយ ពីព្រោះOpen Source Software នឹងអាចឲ្យពួកគេប្រើប្រាស់កម្មវិធីផ្សេងៗ ជាពិសេសនោះគឺអ្នកអភិវឌ្ឍកម្មវិធីអេឡិចត្រូនិចមួយចំនួនដែលចង់បង្កើតកម្មវិធីណាមួយបានយ៉ាងងាយស្រួល»។ គោលបំណងទីពីររបស់ក្រុមការងារ Koompi គឺដើម្បីចង់សន្សំប្រាក់ សម្រាប់សិស្សនិស្សិតមួយចំនួនដែលចង់បានកុំព្យូទ័រដើម្បីការសិក្សាដែលមានតម្លៃខ្ពស់ ខណៈដែល Koompi មានតម្លៃ សមរម្យជាមួយនឹងកម្លាំងម៉ាស៊ីនខ្ពស់ ដោយឡែកបើក្រឡេកទៅមើលរាងគឺស្ដើងស្អាតល្មមនិងងាយស្រួលប្រើប្រាស់និងអាចកាន់ថ្មរហូតដល់ទៅ៧ម៉ោងទៀតផង។ បច្ចុប្បន្នក្រុមការងាររបស់ Koompi បានកំពុងតែធ្វើការសាកល្បងក្នុងកម្លាំងម៉ាស៊ីនទំហំ RAM 4GB, 1.1Ghz CPU mobile version, 128GB SSD ទោះជាយ៉ាងណាក៏ដោយនេះមិនមែនជាកម្លាំងម៉ាស៊ីនពិតប្រាកដរបស់ Koompi នោះឡើយ ក៏ប៉ុន្តែ ក្រុមការងារអាចរំពឹងថាកុំព្យូទ័រយួរដៃម៉ាក Koompi គ្រោងនឹងចេញលក់ក្នុងទីផ្សារកម្ពុជានៅចុងខែសីហានេះជាមួយនឹងតម្លៃប្រហាក់ប្រហែល ៣៦៩ ដុល្លារអាមេរិកតែប៉ុណ្ណោះជាមួយនឹងកំលាំងម៉ាស៊ីនដូចខាងក្រោម៖
- 8GB RAM (minimum 4GB)
- 256GB SSD (minimum 128GB)
- Core i3 (final confirm in a couple week, but that is the goal).
Article by KEO SONG