MSI បង្ហាញកុំព្យូទ័រយួរដៃថ្មី ស៊េរី PS42 Prestige ដែលខ្លាំង ស្រាល ហើយស្ដើងបំផុត បំពាក់ដោយ CPU Intel 8th Gen
NEWS 6 years ago MSI គឺជារោងចក្រផលិតគ្រឿងកុំព្យូទ័រ(Hardware)ដ៏ល្បីបោះសម្លេងរបស់ប្រទេសតៃវ៉ាន់ ហើយក៏ជាម៉ាកនាំមុខគេក្នុងទីផ្សារកុំព្យូទ័រសម្រាប់លេងហ្គេមផងដែរ។ អ្នកនិយមលេងហ្គេមកុំព្យូទ័រមួយណាក៏ស្គាល់ម៉ាកមួយនេះដែរ។ ប៉ុន្ដែខណៈពេលនេះ ម៉ាក MSI បានប្រកាសផលិតផលស៊េរីថ្មីមួយទៀតក្នុងកម្មវិធី Computex 2018 ដោយនាំមកនូវ MSI PS42 Prestige ដែលជាផលិតផលផ្ដោតសំខាន់សម្រាប់ពាណិជ្ជករ អ្នកនិពន្ធ និងអ្នកធ្វើការចល័តនានា។ ហេតុដូច្នេះហើយ ក្រុមហ៊ុន MSI Cambodia បានធ្វើការបង្ហាញផលិតផលស៊េរីថ្មីនេះនៅប្រទេសកម្ពុជាដំបូង កាលពីថ្ងៃសៅរ៍ ទី១១ ខែសីហា ឆ្នាំ២០១៨ កន្លងទៅថ្មីៗនេះ នៅឯ Bun Café រួមសហការជាមួយនឹងក្រុមហ៊ុន I.T Computer។
ក្នុងកម្មវិធីបទបង្ហាញនេះ អ្នកចូលរួមទាំងអស់បានឃើញ ស្គាល់ និងសាកល្បងជាមួយនឹងកុំព្យូទ័រយួរដៃ(Laptop) ស៊េរី PS42 Prestige ដែលមានទម្ងន់ស្រាលខ្លាំង ត្រឹម 1.19 គីឡូក្រាម និងកម្រាស់ 57 មីលីមែត្រតែប៉ុណ្ណោះ។ ហើយវាបំពាក់ទៅដោយកញ្ចក់ប្រភេទIPS កម្រិត FHD ទំហំ 14 អ៊ីង អមដោយស៊ុមកញ្ចក់ដ៏ស្ដើង ព្រមជាមួយនឹងការបំពាក់ Processor Intel ជំនាន់ទី៨, VGA ប្រភេទ NVIDIA GeForce MX150/UMA, បន្ទះស្កេនសម្គាល់ស្នាមក្រយៅម្រាមដៃ ព្រមជាមួយនឹងបច្ចេកវិទ្យា Cooler Boost 3 ដើម្បីបន្ថយកម្ដៅនៃម៉ាស៊ីនកុំព្យូទ័រឲ្យប្រើបានកាន់តែយូរ។
សម្រាប់លោកអ្នកដែលមានចំណាប់អារម្មណ៍ អាចធ្វើការជាវផលិតផល MSI ថ្មីនេះនៅតាមបណ្ដាហាង និងតំណាងចែកចាយពេញសិទ្ធិខាងក្រោមនេះ អមដោយការបញ្ចុះតម្លៃពិសេសរហូតដល់ថ្ងៃទី២០ ខែសីហា ឆ្នាំ២០១៨
Gold One Computer: https://www.facebook.com/goldonecomputer/
Article LENG CHANREASEY