Sovrin
Sovrin
គេតែងតែគិតថាសក់ស្កូវរមែងកើតមានតែលើក្រុមមនុស្សដែលមានវ័យចំណាស់។ ប៉ុន្តែមកដល់ជំនាន់ទាន់សម័យមួយនេះអ្វីៗបានផ្លាស់ប្តូរ ទស្សនៈទាំងនេះក៏ត្រូវបានប្រែប្រួលដោយសារកត្តាមួយចំនួនដែល ជះឥទ្ធិពលទៅលើការលូតលាស់នៃសរសៃសក់មិនថាអ្នកស្ថិតក្នុងវ័យណាឡើយ។ ដោយសារតែកោសិកាដែលបង្កើតពណ៌នៃសារពាង្គកាយបានបញ្ឈប់ការផលិតសារធាតុភីជមែន (pigment) ទើបបណ្តាលឱ្យមានការផ្លាស់ប្តូរពណ៍នៃសក់ទៅជាស្តូវ។
ខាងក្រោមនេះគឺជាមូលហេតុចម្បងទាំង៤ដែលយើងនឹងលើកយកមកបង្ហាញ
1. ស្ថិតក្នុងស្ថានភាពជំងឺ (A medicle condition)
អូតូអ៊ីមម្ញូន (Autoimmune) គឺជាជំងឺមួយប្រភេទដែលអាចបំផ្លាញកោសិកាមានក្នុងខ្លួនមនុស្ស ជាពិសេសគឺការលូតលាស់នៃគល់សក់ ដែលជាមូលហេតុបណ្តាលឱ្យមានការកើតឡើងនៃសក់ស្កូវនៅមុនវ័យ។ បើយោងទៅតាម WebMD ការខ្វះខាត វីតាមីន B-12, ការមានបញ្ហាទៅលើប្រព័ន្ធទីរូអ៊ីត ក៏អាចជាមូលហេតុនៃការកើតមានសក់ស្កូវមុនអាយុ (premature aging) ផងដែរ។
2. ការជក់បារី(Smoking)
នេះបើយោងតាមអ្នកឯកទេសខាងផ្នែកសើរស្បែកបានឱ្យដឹងថា ការជក់បារីផ្តល់ផលប៉ះពាល់ដ៏អាក្រក់បំផុតសម្រាប់សុខភាពស្បែកនិងសក់របស់អ្នក។ អ្នកអាចនឹងមើលមិនឃើញស្នាមជ្រួញដែលមាននៅលើស្បៃកក្បាលដោយភ្នែកទទេបានឡើយ ប៉ុន្តែគល់សក់របស់អ្នកគឺបានទទួលរងផលប៉ះពាល់យ៉ាងខ្លាំងពីសារធាតុគីមីទាំងឡាយដែលមានក្នុងបារីទាំងនោះ។
3. ហ្សែន(genetics)
មូលហេតុចម្បង និងទូទៅបំផុតនៃការវិវត្តនៃសក់ស្កូវគឺតាមរយៈហ្សែន។ អ្នកអាចនឹងមានសក់ស្កូវនៅវ័យជំទង់ប្រសិនបើគ្រួសារ របស់អ្នកធ្លាប់មានអាការៈបែបនេះពីមុនមក។ អ្នកវិទ្យាសាស្ត្រក៏បានរកឃើញដែរថា អ្នកដែលមានផ្ទុកសារធាតុ មេឡានីន និង Hydrogen peroxide ច្រើនលើសកំណត់នៅក្នុងហ្សែន និងមានការប្រឈមខ្ពស់ជាងមនុស្សធម្មតា។
4. ស្រេ្តស(Stress)
ដូចដែលយើងបានដឹងមកហើយថា អ្នកដែលកើតជំងឺស្ត្រេសគឺប្រឈមមុខខ្ពស់ក្នុងការមានសក់ស្កូវមុនវ័យដោយសារតែការទទួលរងផលប៉ះពាល់ខាងផ្នែកសុខភាពដែលបណ្តាលឱ្យប្រតិបត្តិការនានា ក្នុងរាងកាយចុះទន់ខ្សោយនិងមិនអាចផ្គត់ផ្គង់ សារធាតុនានាទៅសារពាង្គកាយបានគ្រប់គ្រាន់។
5. កង្វះពន្លឺព្រះអាទិត្យ (Lack of sun)
ពន្លឺព្រះអាទិត្យ អាចប្រតិកម្មជាមួយនឹងសរសៃសក់ដើម្បីបង្កើតជាវីតាមីនដេ (Vitamin D) ដូច្នេះហើយនៅពេលដែលសរសៃសក់របស់អ្នក ទទួលពន្លឺមិនគ្រប់គ្រាន់ដើម្បីចាប់យកវីតាមីនទាំងនោះទេ ក៏អាចជាកត្តាដែលធ្វើឱ្យសក់ ឡើងស្កូវផងដែរ។
6. ការប្រើប្រាស់ថ្នាំលាបពណ៏សក់(chemical dyes)
ការលាបពណ៍សក់ញឹកញាប់ពេកដោយប្រើថ្នាំដែលមានផ្ទុកសារធាតុគីមីខ្លាំងអាចបណ្តាលឱ្យ ប៉ះពាល់ដល់គល់សក់ ហើយវាក៏អាចជាមូលហេតុមួយដែលបណ្តាលឱ្យមានសក់ស្កូវផងដែរ។
នៅពេលដែលអ្នកចាប់ផ្តើមមានសក់ស្កូវហើយនោះ គឺអ្នកមិនអាចបញ្ឈប់នូវការផ្លាស់ប្តូរមួយនេះបានឡើយ ក៏ប៉ុន្តែ សូមកុំទាន់អាលបារម្មណ៏ពីព្រោះយើងនឹងណែនាំវិធីសាមញ្ញ មួយចំនួនដែលអាចកាត់បន្ថយនៃការវិវត្តរបស់សក់ស្កូវទាំងនោះបានមួយកំរិត។ អ្នកអាចប្រើប្រាស់ប្រេងដូងឬប្រេងអាល់ម៉ុន មកម៉ាស្សានៅលើសក់ថ្នមៗ ព្រោះវាផ្តល់វីតាមីនដល់សក់របស់អ្នកនិងគួរតែជ្រើសរើសសាប៊ូកក់សក់ដែលផ្តល់ជាតិសំណើមដល់សក់។ អ្នកគួរជៀសវាងការប្តូរពណ៍សក់ញឹកញាប់ដែលអាចធ្វើឱ្យសក់ខូចឬមានបញ្ហានិងគួរតែទៅពិគ្រោះជាមួយអ្នកជំនាញខាងសក់ ដើម្បីទទួលបានការណែនាំបន្ថែម ប្រសិនបើនៅតែមិនទទួលបានលទ្ធផល។
Article by KIMLY
