Ice-Watch ប្រកាសទូតសុឆន្ទៈថ្មីវ័យក្មេង ស្របពេលបញ្ចេញនូវនាឡិកាម៉ូដថ្មីសន្លាងដូចទៅនឹងដួងតារា
NEWS 5 years agoកាលពីរសៀលថ្ងៃទី៣០ ខែវិច្ឆិកានេះ ក្រុមហ៊ុន Watch Empire បានរៀបចំពិធីសម្ពោធនូវនាឡិកាដៃជំនាន់ថ្មីរបស់ខ្លួននៅឯសណ្ឋាគារ Sunand Moon Urban Resort ដែលមានការចូលរួមយ៉ាងកុះករពីសំណាក់ភ្ញៀវកិត្តិយស ពិសេស តារាបង្ហាញម៉ូដ តារាសម្តែង បវរកញ្ញាកម្ពុជា និងតារាចម្រៀងល្បីៗប្រចាំព្រះរាជាណាចក្រកម្ពុជា រួមទាំងកំពូលអ្នកច្នៃម៉ូដ និងក្រុមអ្នកសារព័ត៌មានមកពីគ្រប់ស្ថាប័នផងដែរ។ នៅក្នុងព្រឹតិ្តការណ៍ដ៏អស្ចារ្យនេះ ក្រៅពី Ice-Watch បញ្ចេញនូវនាឡិកាម៉ូដែលថ្មីគឺ Ice Cosmo ជាមួយរូបរាងដ៏លេចធ្លោភ្ជាប់ដោយពន្លឺភ្លឺផ្លេកប្រៀបបានទៅនឹងដួងតារាដែលមានជម្រើសដល់ទៅ ៨ម៉ូដ និង២ទំហំហើយនោះ ព្រមគ្នានេះដែរក្រុមហ៊ុននាឡិកា Ice-Watch ក៏បានប្រកាសផ្លូវការនូវទូតសុឆន្ទៈថ្មីមួយដួងរបស់ខ្លួននោះគឺ DJ Maily ដែលជាឌីជេដ៏មានប្រជាប្រិយភាពនៅក្នុងស្រទាប់យុវវ័យ។ យ៉ាងណាមិញ នាឡិកាម៉ូដែលថ្មីសន្លាងនេះ និងចាប់ផ្តើមដាក់លក់ចាប់ពីថ្ងៃទី០១ ខែធ្នូ នេះតទៅ ដោយអតិថិជនអាចរកជាវបាននៅគ្រប់សាខាហាងនាឡិកា Ice-Watch កម្ពុជា៕
Article by PAN SIVLY