កាលពីថ្ងៃទី ២ ខែកុម្ភៈ កន្លងទៅនេះ ក្រុមហ៊ុនស៊ែក កុងតែស បានទទួលការឧបត្ថម្ភពីក្រុមហ៊ុន Schwarzkopf ដើម្បីធ្វើការរៀបចំព្រឹត្តិការណ៍ប្រចាំឆ្នាំក្នុងការបង្ហាញម៉ូតសក់ថ្មីជាច្រើនម៉ូត ដែលបានធ្វើឡើងនៅសណ្ឋាគារ ហ៊ីម៉ាវ៉ារី (Himawari Hotel) ក្រោមប្រធានបទ «ចូលរួមជាមួយគ្នា ដើម្បីក្លាយជាជើងឯកក្នុងការជួយអ្នកដទៃ»។ មិនត្រឹមតែប៉ុណ្ណោះ លោក Stevens Buthoeun Outh ដែលមកពីប្រទេសបារាំងបានមកធ្វើការបង្ហាញម៉ូតសក់ដ៏ស្រស់ស្អាតប្រចាំឆ្នាំ២០១៩នេះផ្ទាល់ ដើម្បីជំរុញលើការអភិវឌ្ឍន៍សមត្ថភាពក្នុងប្រទេសថែមទៀតផង។ ជាងនេះទៅទៀត អ្វីដែលពិសេសនៅក្នុងកម្មវិធីដ៏សែនមនោរម្យនេះក៏មានវត្តមានរបស់អ្នកច្នៃម៉ូតសក់ជាច្រើនរូបចូលរួម ក្នុងគោលបំណងបង្ហាញសកម្មភាពមនុស្សធម៌របស់ពួកគេដែលបានជួយសង្គមជាតិផងដែរ។ គួរបញ្ជាក់ដែរថា ក្រុមហ៊ុន ស៊ែក កុងតេស បានចុះបញ្ជីប្រតិបត្តិការចាប់តាំងពីឆ្នាំ ២០១៤ ផ្តោតសំខាន់ទៅលើផ្នែកសម្រស់តាមរយៈការរចនាសក់ទៅតាមទំនោរនិយមនៃសម័យកាលដ៏ជឿនលឿននេះ៕
Article by PAN SIVLY