ស្វាគមន៍ចំពោះការមកដល់នៃម៉ាកទឹកអប់បុរសលំដាប់អន្តរជាតិ BVLGARI MAN TERRAE ESSENCE
NEWS 2 years agoក្រុមហ៊ុនទឹកអប់ BVLGARI ដ៏ល្បីយូរឆ្នាំមកហើយនៅលើឆាកអន្តរជាតិបានបញ្ចេញឈុតទឹកអប់បុរសថ្មីរបស់ខ្លួនកាលពីពេលថ្មីៗនេះ ដែលមានឈ្មោះថា BVLGARI MAN TERRAE ESSENCE ក្រោមពាក្យស្លោកផលិតផល «BVLGARI MAN TERRAE ESSENCE នាំមកនូវអត្តសញ្ញាណថ្មីនៃឈុតខឡិកហ្សិន BVLGARI សម្រាប់បុរស»
ការទទួលឥទ្ធិពលពីសារៈសំខាន់នៃផែនដី
ទឹកអប់ Bvlgari Man Terrae Essence គឺជាផលិតផលដែលបានបង្កើតឡើងដោយភាពស៊ីជម្រៅនៃឧត្តមភាព ភពផែនដីយើងពោរពេញដោយតម្លាភាពនិងយថាភាព។ ប្រភេទដីតំបន់ Tuscan ដែលសម្បូរជីជាតិ តំណាងឲ្យភាព សោមនស្សរីករាយពិតប្រាកដ គឺជាកម្លាំងជំរុញពីក្រោយការបង្កើតអត្តសញ្ញាណថ្មីនៃឈុតទឹកអប់បុរស Bvlgari Man Collection ថ្មីនេះ។ ជីវិតក្នុងពិភពធម្មជាតិនៃតំបន់ខាងលើពោរពេញដោយថាមពល ដែលមានសណ្ឋានដីខ្ពង់រាបបត់បែនឡើងចុះ អមដោយដើមឈើមិនជម្រុះស្លឹក ផ្កា និងដីនៅស្ថិតស្ថេរជាមួយគ្នា។ នេះហើយជាភាពសំខាន់ខ្វះមិនបាន ដែលត្រូវបានច្នៃបង្កើតចេញជាពណ៌និងក្លិននិមិត្តរូបពិសេសប្រចាំតំបន់។ ពណ៌កក់ក្តៅចែងចាំង រួមនឹងក្លិនប្រភេទថ្មីនេះ ប្រៀបបាននឹងថាមពលភពផែនដីដែលផ្តល់ជីវិតលើលោក និងស្តែងឲ្យឃើញតាមរយៈក្លិនឈើប្រភេទ woody vetiver scent ដែលតំណាងឲ្យដីល្អសម្រាប់ការបង្កបង្កើនផល។
ក្លិនក្រអូបឈ្ងុយឈ្ងប់
ទឹកអប់នេះមានអត្តសញ្ញាណក្លិនក្រអូបប្លែកពីគេដែលបានមកពីក្លិនឈើ woody vetiver ។ ការចម្រាញ់យកក្លិនដ៏អស្ចារ្យនេះត្រូវបានធ្វើឡើងដោយវត្ថុធាតុដើមពិសេសដោយស្នាដៃរបស់ស្តេចទឹកអប់ អាល់បឺរតូ ម៉ូរីលឡាស។ នៅពេលបើកគម្របទឹកអប់ភ្លាម ក្លិននឹងសាយភាយធ្វើឲ្យអារម្មណ៍លោកអ្នកដូចបានទៅដល់ពិភពធម្មជាតិនៃប្រទេសអ៊ីតាលីដែលសម្បូរថ្ងៃ ក្លិនផ្កែក្រូច និងទេសភាពពណ៌មាសយ៉ាងត្រកាល។ ដោយឡែក ក្លិនចំបង (heart note) ផ្សំឡើងពីការវេញបញ្ចូលគ្នារវាងក្លិនពពួកស្មៅ vetiver ពីរប្រភេទ ដែលជំរុញឲ្យមានក្លិនក្រអូបឆ្ងិត។ ស្មៅប្រភេទទី១យកមកពីកោះជ្វា (ចាវ៉ា) តំណាងថាមពលខ្លាំងក្លា ដោយសារក្លិនបែបផ្សែងក្រអូបរបស់វា។ រីឯប្រភេទទី២ យកមកពីកោះហៃទី ហើយជានិមិត្តរូបតំណាងភាពសំខាន់នៃព្រៃរដូវស្លឹកឈើជ្រុះ ដែលមានក្លិនផ្ទុយគ្នាបង្កប់ក្នុងនោះ រវាងក្លិនដីក្រអូបមុតខ្លាំង និង ក្លិនស្រាលស្រទន់ដូចសូត្រ។ នៅចុងក្រោយ ទឹកអប់នឹងបញ្ចេញក្លិនពិសេសមួយបែបទៀត គឺ Bvlgari Terrae Accord ដែលញ៉ាំងឲ្យទឹកអប់នេះមានវិសេសភាពផ្ទាល់ខ្លួនដាច់ដោយឡែកពីគេ។
• ក្លិនឆួលដំបូង (TOP NOTES): SUN-KISSED CITRUS ZESTY
FRESH AND GREEN, CITRON ESSENCE, CALAMANZI ACCORD
• ក្លិនស្នូល/ ក្លិនចំបង (HEART NOTES): CONTEMPORARY ROOTS
WOODY, SMOKY, FLORALVETIVER ESSENCE DUO, ORRIS CONCRETE
• ក្លិនបង្ហើយ (BASE NOTES): RAW EARTHY RICHNESS
LEATHERY, EARTHY, RESINOUS- TERRAE ACCORD, STYRAX ESSENCE
ថាមពលធាតុផ្សំ
បុរសគ្រប់រូបមានជីវិតផ្សារភ្ជាប់យូរអង្វែងជាមួយនឹងពិភពធម្មជាតិដែលហ៊ុមព័ទ្ធជុំវិញខ្លួនពួកគេ។ ទឹកអប់ប្រភេទ Bvlgari Man សម្រាប់បុរសបានចារឹកទុកនូវកំណត់ត្រាជាប្រវត្តិសាស្រ្តនៃក្លិនក្រអូបបែបបុរសដ៏មានមន្តស្នេហ៍ទាក់ទាញ ផ្សារភ្ជាប់នឹងថាមពលមិនចេះសាបសូន្យនៃសមាសធាតុពីធម្មជាតិពិតៗ។ ធាតុភ្លើង តំណាងកំណើតមនុស្ស បង្កើតថាមពលខ្លាំងក្លាជាមួយនឹងក្លិនបែប neo-oriental accord បង្កប់ក្នុងទឹកអប់ប្រភេទ Bvlgari Man in Black ខណៈដែលធាតុឈើតំណាងចំណងទំនាក់ទំនងរវាងជីវិតបែបទីក្រុងនិងពិភពធម្មជាតិ ត្រូវបានបង្កប់ក្នុងទឹកអប់ប្រភេទ Bvlgari Man Wood Essence។ រីឯ ធាតុខ្យល់ដែលជាកម្សួលនៃភាពស្រស់ស្រាយជំរុញជីវិតយើងទៅកាន់មហស្ចារ្យភាពនោះត្រូវបានទាញយកមកប្រើក្នុងភាពត្រជាក់ដូចទឹកកកក្នុងទឹកអប់ Bvlgari Man Glacial Essence។ ជាចុងក្រោយនេះ ឥឡូវប្រភេទ Bvlgari Man Terrae Essence ថ្មីនេះ ក៏បានបង្ហាញវត្តមានចូលរួមចំណែកក្នុងចំណោមឈុតទឹកអប់តំណាងអានុភាពភពផែនដីទាំង៤ធាតុនេះដែរ ដោយមានលក្ខណៈពិសេសផ្តោតលើដីមានជីជាតិដ៏សម្បូរបែបពិតប្រាកដដែលមានប្រភពមកពីប្រទេសអ៊ីតាលី៕
Advertising Article