ហាង Caviar & Traditions អនឡាញដែលបាននាំចូលពងត្រីប្រណីតពីសមុទ្រកាស្ពី ឬ សមុទ្រខ្មៅមកកម្ពុជាដោយក្រុមហ៊ុនបារាំងឈ្មោះ Comptoir du Caviar បានប្រកាសនូវផលិតផលថ្មីរបស់ខ្លួនកាលពីថ្ងៃទី២៥ ខែកញ្ញា កន្លងទៅ នៅមជ្ឈមណ្ឌលកំសាន្តចម្រុះ ណាហ្កាវើល៍មួយ។ ផលិតផលថ្មីរបស់ Caviar & Traditions នោះគឺបង្គារដែលមានរសជាតិឆ្ងាញ់ខុសប្លែកពីបង្គារធម្មតា។ បង្គារ Caviar មានរសជាតិស្រួយឆ្ងាញ់ សាច់ណែនល្អ និងលក់ដាច់ជាងគេបំផុតនៅអ៊ឺរ៉ុប។ មិនត្រឹមតែប៉ុណ្ណោះ គ្រប់បង្គារទាំងអស់គឺសុទ្ធតែឆ្លងកាត់ការត្រួតពិនិត្យត្រឹមត្រូវមុននឹងដាក់លក់នៅក្នុងទីផ្សារ និងមានគុណភាពល្អប្រណិតមិនប្រើជាតិគីមីដើម្បីរក្សាទុកឡើយ។ Caviar & Traditions ក៏បានបង្ហាញជូននូវផលិតថ្មីមួយទៀតនោះគឺ សាច់ត្រីសាមុនដែលមានគុណភាពខ្ពស់។ លោក Bernard Matter ដែលជាសហស្ថាបនិករបស់ Caviar & Traditions បានប្រាប់ឲ្យដឹងថា៖ «ពងត្រី សាមុន របស់កាវីយ៉ា បាននាំចូលពីប្រទេសស្កុតឡែន និងជាប្រភេទសាច់ត្រីល្បីល្បាញជាងគេបំផុតនៅលើពិភពលោក។» គួរបញ្ជាក់ផងដែរថា ហាង Caviar & Traditions អនឡាញ (www.caviar-traditions.com) នាំចូលពងត្រីកាវីយ៉ាដែលជាអាហារប្រណីតបំផុតមកកាន់ប្រទេសកម្ពុជា ព្រមជាមួយនឹងផលិតផលអាហារប្រណីតៗជាច្រើនមុខទៀត ដើម្បីពាំនាំនូវបទពិសោធន៍រសជាតិដ៏ឆ្ងាញ់ពិសា ផ្ទុកដោយអាហារូបត្ថម្ភល្អៗ និងអត្ថប្រយោជន៍យ៉ាងច្រើនបំផុតដល់សុខភាពរបស់យើង៕
Article by KEO SONG