កន្លងមក​ ​ចាប់តាំង​ពី​មាន​ករណី​រាតត្បាត​នៃ​ជំងឺ​កូ​វី​ដ​១​៩​នៅ​ក្នុង​ប្រទេស​កម្ពុជា​ ​ប្រជាពលរដ្ឋ​ជា​ ​ច្រើន​ ​ជាពិសេស​ប្រជាជន​ទី​ក្រុងភ្នំពេញ​នាំគ្នា​ពាក់​ម៉ា​ស​ពេល​ចេញ​ដើរ​ទៅក្រៅ​ ​ឬ​ ​ពេល​ជួប​ប្រាស្រ័យ​ ​ទាក់ទង​ជាមួយ​អ្នក​ទៃ​តាម​ការណែនាំ​របស់​​​ក្រសួងសុខាភិបាល​។​ ​ប៉ុន្តែ​ស្រប​ជាមួយគ្នា​នេះ​ដែរ​ ​យើង​ក៏​ ​សង្កេតឃើញ​ផង​ដែរ​ថា​ ​ប្រជាជន​មួយ​ចំនួន​ក៏បាន​ប្រើ​របាំងមុខ​ការពារ​ ​ដែល​ជា​ភាសា​អង់គ្លេស​ហៅថា​ ​Face​ ​Shield​ ​ជំនួស​កា​រពាក់​ម៉ា​ស​ ​ជាពិសេស​សម្រាប់​ការ​សម្តែង​បង្ហាញមុខ​នៅ​លើ​កញ្ចក់ទូរទស្សន៍​ ​និង​ ​នៅ​ក្នុង​សកម្មភាព​លក់ដូរ​នៅ​តាម​ហាង​មួយ​ចំនួន​។​ ​តើ​ការ​ប្រើ​របាំងមុខ​ពិតជា​មធ្យោបាយ​ការពារ​កូ​វី​ដ​១​៩​ ​ដែល​អាច​ប្រើ​ជំនួស​ម៉ា​ស​ពេទ្យ​ប្រកបដោយ​ប្រសិទ្ធ​ភាព​មែនដែរ​ឬទេ​?

          ​យោង​តាម​សេចក្តីប្រកាស​ជា​ផ្លូវការ​របស់​គេហទំព័រ​ស្ថាប័ន​សុខាភិបាល​ដ៏​ល្បី​មួយ​របស់​ប្រទេស​កាណាដា​ដែល​មានឈ្មោះ​ថា​ ​Can​a​d​i​an​ ​Centre​ ​for​ ​Occupational Health​ ​and​ ​Safety​ (C​CO​H​S) ​របាំង​ ​ការពារ​មុខ​ ​ឬ​ ​Face​ ​Shield​ ​ជាទូទៅ​គឺជា​របាំង​មួយ​ដែល​ការពារ​សុវត្ថិភាព​ផ្ទៃមុខ​របស់​លោកអ្នក​ដោយ​ ​មាន​ផ្ទាំង​ប្លាស្ទិក​ថ្លា​មើលឃើញ​ឆ្លុះ​នៅ​ពី​ខាងមុខ​។​ ​របាំងមុខ​មួយ​ចំនួន​ទៀត​ត្រូវ​បាន​រចនា​ឡើង​ភ្ជាប់​ជា​ ​មួយ​ស៊ុម​កញ្ចក់វ៉ែនតា​ការពារ​ភ្នែក​ ​ទ្រដោយ​ខ្ទង់ច្រមុះ​ ​និង​ត្រចៀក​ទាំងសងខាង​ថែមទៀត​ផង​។​

          ​វា​ត្រូវ​បាន​ប្រើប្រាស់​ក្នុង​គោលបំណង​ដើម្បី​ការពារ​ភ្នែក​ ​ច្រមុះ​ ​មាត់​ ​និង​ ​មុខ​ ​ពី​អង្គធាតុ​រាវ​ ​ក​ម្ទេ​ច​ ​ក​ម្ទី ​ល្អងធូលី​ ​និង​ ​ទឹកមាត់​ ​ជាដើម​។​ ​ទោះបីជា​យ៉ាងណាក៏ដោយ​ ​បើ​តាម​ប្រភព​ដដែល​ ​វា​នៅតែ​មិនមែន​ ​ជា​វត្ថុ​ ​សម្រាប់​ប្រើ​ជំនួស​ម៉ា​ស​ពាក់​ការពារ​មុខ​ (​Face​ ​Mask​) ​នោះ​ទ​ ​ពីព្រោះ​វា​មិន​ផ្តល់​ការ​ការពារ​ដូចគ្នា​ ​ឡើយ​។​ ​ហេតុអ្វីបានជា​គេ​លើកឡើង​ដូចនេះ​? ​ចម្លើយ​គឺ​ ​របាំងមុខ​មិន​អាច​ការពារ​អ្នកឲ្យ​ចៀស​ផុត​ពី​ការ​ ​ស្រូប​យក​តំណក់​នៃ​ប្រព័ន្ធ​ដង្ហើម​របស់​អ្នកជំងឺ​a​បាន​ឡើយ​។​ ​ស្រប​ពេល​ជាមួយគ្នា​នេះ​ដែរ​ ​វាក​៏​មិន​អាច​ ​តំណក់​ដង្ហើម​របស់​លោកអ្នក​កុំឲ្យ​ចូល​ទៅ​ក្នុង​បរិយាកាស​បាន​ដូចគ្នា​ដែរ​ ​ព្រោះ​វា​ជា​ភាយ​ចេញ​តាម​ ​ប្រហោង​ដែល​នៅ​ខាងក្រោម​និង​ផ្នែក​ចំហៀង​ផ្ទាំង​ប្លាស្ទិក​នោះ​បាន​។​

          ​ដើម្បី​សុវត្ថិភាព​ ​លោកអ្នក​ត្រូវតែ​ ​ប្រើ​ឧបករណ៍​ការពារ​ភ្នែក​ (​វ៉ែនតា​ប្រភេទ​ ​Goggle​s) ​និង​ ​ម៉ា​ស​នៅ​ខាងក្រោម​របាំងមុខ​ថែម​មួយ​ជាន់​ទៀត​។​ ​ម្យ៉ាង​វិញទៀត​ ​របាំងមុខ​អាច​ជា​ប្រភព​នៃ​ការ​ឆ្លង​ ​មេរោគ​ប្រសិនបើ​លោកអ្នក​កាន់​វា​ពាក់​មិនបាន​ត្រឹមត្រូវ​ហើយ​មិន​សម្លាប់​មេរោគ​ឲ្យបាន​ស្អាត​ត្រឹមត្រូវ​ ​ក្រោយពេល​ប្រើប្រាស់​រួច​។​ ​លើស​ពីនេះទៅ​ទៀត​ ​មនុស្សជា​ច្រើនតែ​យល់​ច្រឡំ​ថា​ ​ពាក់​របាំងមុខ​ហើយ​ ​គឺ​មាន​សុវត្ថិភាព​ ​ហើយ​ពួកគេ​មិន​គិត​ឬ​ភ្លេច​រក្សា​គ​ម្លា​ត​សុវត្ថិភាព​។​ ​មួយវិញទៀត​ ​ប្លាស្ទិក​នៃ​របាំងមុខ​ ​អាច​ស្រអាប់​ដោយសារ​តំណក់​ទឹក​ឬ​ល្អងធូលី​ដែល​អាច​ជះ​ឥទ្ធិពល​មិន​ល្អ​ដល់​សមត្ថភាព​នៃ​ចក្ខុ​របស់​លោកអ្នក​ជាមិនខាន​។

Article by SRIN SOKMEAN