×

«​Old​ ​School​ ​Field​s​»​ ​ទី​ក​ម្សាន្ត​ផ្តល់​នូវ​បរិយាកាស​បែប​ធម្មជាតិ​ស្ងប់ស្ងាត់​

TRAVEL & LIVING 9 months ago
 
 

          ​ក្នុងរយៈពេល​ប៉ុន្មាន​ចុងក្រោយ​នេះ​ ​តំបន់​ទេសចរណ៍​នៅ​ក្រុង​សៀមរាប​បាន​ចាប់ផ្តើម​មានសន្ទុះ​ឡើងវិញ​ ​បន្ទាប់ពី​ការ​ស្រាកស្រាន្ត​នៃ​ជំងឺ​កូ​វី​ដ​១​៩​។​ ​ដូចនេះ​ហើយ​ ​យើង​ឃើញ​មាន​កំណើន​អាជីវកម្ម​បើក​ថ្មី​ ​ហាង​កាហ្វេ​ ​សួន​ក​ម្សាន្ត​បែប​ធម្មជាតិ​ ​និង​កែច្នៃ​បន្ត​មាន​ជាបន្តបន្ទាប់​ ​ក្នុងចំណោម​នោះ​ ​មាន​វត្តមាន​ ​Old​ ​School​ ​Field​s (​អូ​ល​ស្គូ​ល​ហ្វៀ​ល​) ​ដែល​កំពុង​ទាក់ទាញ​ភ្ញៀវ​ទេសចរ​មកពី​ទី​ជិត​ឆ្ងាយ​ឱ្យ​មក​ក​ម្សាន្ត​។​ ​ទីកន្លែង​ដែល​បាន​រៀបរាប់​ខាងលើ​នេះ​ ​មាន​ទីតាំង​ស្ថិតនៅ​ភូមិ​ខ្វៀន​ ​សង្កាត់​គោក​ចក​ ​ខេត្ត​សៀមរាប​។​

          ​បើ​យើង​ធ្វើដំណើរ​តាម​បណ្តោយ​ផ្លូវ​ទៅ​ព្រ​លាន​យន្ត​អន្តរជាតិ​សៀមរាប​(​ពី​ទិសខាងកើត​ទៅ​លិច​) ​បន្ត​ដំណើរ​រហូត​ហួស​ភោ​នី​យ​ដ្ឋា​ន​ប្រាសាទ​នាងពៅ​ ​ប្រហែល​១​,​៥​គីឡូម៉ែត្រ​ ​យើង​នឹង​ឃើញ​ផ្លាក​សាលាបឋមសិក្សា​ខ្វៀន​នៅ​ខាងស្តាំ​ដៃ​ ​រួច​បត់​ចូល​តាម​ច្រក​នោះ​ប្រហែល​៥​០​០​ម៉ែត្រ​ ​យើង​នឹង​ទៅដល់​ ​«​Old​ ​School​ ​Field​s​»​ ​ដែល​ស្ថិតនៅ​ខាងស្តាំ​ដៃ​ ​កំពុង​បើក​ទ្វា​ទទួល​ស្វា​ម​ន៍​វត្តមាន​អតិជន​ដែល​អញ្ជើញ​មក​ក​ម្សាន្ត​ទីនេះ​។​

          «​Old​ ​School​ ​Field​s​»​ ​គឺជា​ទីកន្លែង​ក​ម្សាន្ត​ថ្មី​មួយ​ ​មាន​ចំណុច​ពិសេស​លេចធ្លោ​មួយ​ចំនួន​ខុសប្លែក​ពី​សួន​ក​ម្សាន្ត​ផ្សេងៗ​ដែល​កំពុង​ដំណើរការ​មាន​លក្ខណៈ​ប្រកួតប្រជែង​នៅ​ក្រុង​សៀមរាប​។​ ​ក្រៅពី​មានផ្ទៃ​ដី​ធំ​ទូលាយ​ដែល​ពោរពេញ​ដោយ​ធម្មជាតិ​បៃតង​ចម្រុះ​ ​និង​មាន​ដើមឈើ​តូច​ធំ​ផ្តល់​ជា​ម្លប់ត្រជាក់​យ៉ាង​ត្រឈឹងត្រឈៃ​ ​ព្រម​ជាមួយ​ការ​តាំង​លម្អ​រថយន្ត​ស៊េ​រី​ចាស់​(​V​in​tag​e​ ​Van​) ​ម៉ូតូ​ ​កង់​ ​ទូរទស្សន៍​ ​វិទ្យុ​ ​រួម​ទាំង​របស់របរ​ប្រើប្រាស់​មួយ​ចំនួន​ទៀត​បែប​បុរាណ​ដែល​មាន​តាំងពី​ទសវត្សរ៍​ទី​៥​០​ ​៦​០​ ​៨​០​ ​និង​៩​០​ ​ត្រូវ​បាន​ដាក់​តាំង​តម្រៀប​សម្រាប់​ភ្ញៀវ​ប្រុស​ ​ស្រី​ ​ក្មេង​ ​ចាស់​ ​ថតរូប​លេង​ក​ម្សាន្តឱ្យ​ប្លែក​អារម្មណ៍​ ​និង​អាច​រំលឹក​រាល់​អនុ​ស្សា​វ​រី​យ៍​ចាស់ៗ​ជាមួយនឹង​វត្ថុបុរាណ​យ៉ាង​រស់រវើក​ទាំងនោះ​។​ ​លើស​ពីនេះទៅ​ទៀត​ ​Old​ ​School​ ​Field​s ​បាន​ផ្តល់​ភាព​ងាយស្រួល​ចំពោះ​អ្នក​ដែល​មកកាន់​ទីនេះ​ ​ដែល​មាន​បម្រើ​ទាំង​អាហារ​ពេលព្រឹក​ដល់​ល្ងាច​ ​ហាង​កាហ្វេ​មាន​រសជាតិ​ឆ្ងាញ់​ប្លែក​ ​មាន​បន្ទប់​ស្នាក់​ឬ​តង់​ ​ថែមទាំង​មាន​សេវាកម្ម​ជួល​រថយន្ត​ ​ម៉ូតូ​ ​កង់​ស៊េ​រី​ចាស់ៗ​សម្រាប់​ជួល​ជិះ​ក​ម្សាន្ត​ទៀត​ផង​។

          មិនតែប៉ុណ្ណោះ​ ​សួន​នេះ​មាន​ជម្រើស​កន្លែង​អង្គុយ​សម្រាប់​ភ្ញៀវ​ជាច្រើន​ ​ដែល​យើង​អាច​សម្រាក​លម្ហែ​ក្នុង​បរិយាកាស​បែប​ស្ងប់ស្ងាត់​ ​ម្លប់ត្រជាក់​ល្ហឹម​ ​ត​ន្រ្តី​ធម្មជាតិ​ប្រ​គុំ​យ៉ាង​ពិរោះ​រណ្តំ​នៃ​ស​ម្លេ​ង​សត្វបក្សី​តូច​ធំ​យំ​ចេចចាច​ ​ដោយ​គ្មាន​ការ​រំខាន​ពី​ខាងក្រៅ​។​ ​ទាំងនេះ​ ​ពិតជា​បាន​ផ្តល់​នូវ​បទពិសោធន៍​ថ្មី​ក្នុង​ការ​ផ្តល់​ថាមពល​ដល់​ជីវិត​ ​និង​ការ​រំសាយ​ភាព​តានតឹង​ទាំងឡាយ​ឱ្យ​រសាត់​ចាក​ឆ្ងាយ​ ​ដែល​ទទួល​បាន​មកវិញ​នូវ​ភាព​ស្រស់ស្រាយ​ ​និង​ពោរពេញ​ទៅ​ដោយ​អត្ថន័យ​៕​

Article​ ​by​ ​SO​UN​G​ ​SO​KS​AN


SUGGESTIONS