×

យ៉ែ​ម​ ​ស្រី​ពេជ្រ​ ​ខិតខំ​ហ្វឹកហាត់​បច្ចេកទេស​សម្តែង​បន្ថែម​ដើម្បី​បំពេញ​ចំណី​ចក្ខុ​មហាជន​

NEWS a month ago

            កញ្ញា​ យ៉ែ​ម​ ​ស្រី​ពេជ្រ​ ​ជាតា​រា​សម្តែង​ពោរពេញ​ដោយ​ទេពកោសល្យ​ ​និង​ប្រជាប្រិយភាព​ ​ដែល​បាន​បោះជំហាន​ចូលក្នុង​វិ​ស័​យ​សិល្បៈ​ប្រមាណ​៦​ឆ្នាំ​មក​ហើយ​ ​ហើយក៏​កំពុងតែ​ខិតខំ​ហ្វឹកហាត់​បច្ចេកទេស​ក្នុង​ការ​សម្តែង​បន្ថែម​ជាប្រចាំ​ដើម្បី​បំពេញ​ចំណី​ចក្ខុ​របស់​មហាជន​។​ ​ចង់​ដឹង​ថា​តើ​កញ្ញា​ស្រី​ពេជ្រ​ ​ទទួល​បានការ​ជំរុញ​ទឹកចិត្ត​យ៉ាងណា​ក្នុង​អាជីព​សិល្បៈ​នា​ទសវត្សរ៍​ថ្មី​នេះ​?

            មាន​ស្រុកកំណើត​នៅ​ទី​ក្រុងភ្នំពេញ​ ​និង​ជា​កូនខ្មែរ​ជាប់​សែស្រឡាយ​ចិន​ ​កញ្ញា​ស្រី​ពេជ្រ​ ​កំពុង​គ្រង​អាជីព​ ​ជាតា​រា​សម្តែង​ផង​ ​ពិធី​ការិនី​ផង​ ​និង​ជាតា​រា​ម៉ូឌែ​ល​ថែមទៀត​។​ ​មាន​វ័យ​ទើប​តែ​២​៥​ឆ្នាំ​ ​តារា​សម្តែង​រូប​នេះ​បាន​ប្រឡូក​ក្នុង​អាជីព​ជា​អ្នក​សិល្បៈ​តាំងពី​ឆ្នាំ​២​០​១​៥​ ​មក​ម្ល៉េះ​ ​ពោល​គឺ​ប្រមាណ​៦​ឆ្នាំ​មក​ហើយ​។​ ​ក្រៅពី​អាជីព​ជាតា​រា​សម្តែង​ ​កញ្ញា​ស្រី​ពេជ្រ​ ​ក៏​កំពុង​ក្តោប​មុខ​ជំនួញ​ផ្ទាល់ខ្លួន​លើ​កា​រលក់​ផលិតផល​ថែរក្សា​សម្រស់​និង​សុខភាព​។​

            ជួប​ជាមួយ​ ​សូវ​រី​ន​ ​តារា​ពូកែ​វោហារ​រូប​នេះ​បានឲ្យ​ដឹង​ថា​ ​កញ្ញា​បាន​ចាប់ផ្តើម​វិថី​សិល្បៈ​របស់​ខ្លួន​តាមរយៈ​ការប្រកួតប្រជែង​សមត្ថភាព​សិល្បៈ​ជាច្រើន​ ​តួយ៉ាងដូចជា​កម្មវិធី​ ​Fresh​i​e​ ​Boy​ & ​Girl​ ​ដែល​ជា​កម្មវិធី​បង្ហាញ​សមត្ថភាព​សិល្បៈ​និង​សម្រស់​របស់​យុវវ័យ​ដ៏​ល្បីល្បាញ​មួយ​របស់​ប្រទេស​កម្ពុជា​។​ ​កញ្ញា​ស្រី​ពេជ្រ​ ​គឺជា​អតីត​បេ​ក្ខ​នារី​ ​Fresh​i​e​ ​Girl​ ​ជំនាន់​ទី​១​៤​ ​ដែល​ធ្វើឡើង​នៅ​ឆ្នាំ​២​០​១​៥​។​ “​កាលនោះ​ពេលរៀន​ចប់​ទី​១​២​ ​នាងខ្ញុំ​បាន​ចូល​ប្រលង​ ​Fresh​i​e​ ​ជំនាន់​ទី​១​៤​ ​ឆ្នាំ​២​០​១​៥​ ​ហើយ​បាន​ទទួល​ពាន​២​គឺ​ពាន​ប្រជាប្រិយភាព​ ​និង​ពាន​12​Plus​ ​ប៉ុន្តែ​មិនបានជា​ប់​លេខ​១​ក្នុងចំណោម​៥​នាក់​ទេ​ ​បានជា​ប់​ដល់​វគ្គ​ផ្តាច់ព្រ័ត្រ​ប៉ុណ្ណោះ​”​។​ ​បើ​ទោះ​ជា​មិន​ទទួល​បាន​ចំណាត់ថ្នាក់​ក្នុង​ការ​ប្រកួត​ក្តី​ ​កញ្ញា​ស្រី​ពេជ្រ​ក៏​មិនបាន​បោះបង់​ចំណង់ចំណូលចិត្ត​លើ​ការងារ​សិល្បៈ​ឡើយ​ ​ហើយ​តែងតែ​ព្យាយាម​ស្វែងរក​ឱកាស​សម្តែង​ ​និង​ប្រកួត​ជាបន្តបន្ទាប់​ផ្គួប​ផ្សំ​និង​ការ​លើកទឹកចិត្ត​ពី​បងប្រុស​ធម៌​ផង​កញ្ញា​ក៏បាន​ទទួល​ឱកាស​ធំ​មួយ​ក្នុង​ការ​សម្តែង​រឿង​ភាគ​ទូរទស្សន៍​របស់​ស្ថា​នី​យ៍​ទូរទស្សន៍​ប៉ុស្តិ៍​លេខ​៥​។​

            កញ្ញា​រំឮក​ថា​ ​ដំបូង​ឡើយ​កញ្ញា​មិន​គិតថា​មានឱកាស​ជាប់​ជាតា​រា​សម្តែង​ទេ​ ​ព្រោះតែ​មាន​វ័យក្មេង​ពេក​ ​និង​ត្រូវធ្វើ​តេ​ស្ត​សមត្ថភាព​ជាមួយនឹង​តារា​ជើងចាស់​ជាច្រើន​។​ “​ពេល​នោះ​ខ្ញុំ​សុំ​គេ​អត់​ថត​វិញ​ដែរ​ ​ព្រោះ​គិតថា​ខ្លួនឯង​សមត្ថភាព​មាន​ក​ម្រិ​ត​ ​ហើយ​ណាមួយ​គិតថា​រឿង​គេ​វិនិយោគ​អស់​លុយ​រាប់​ម៉ឺន​ដុល្លារ​ ​មិន​ចង់ឲ្យ​គេ​ខាត​ដោយសារ​យើង​ ​តែ​គេ​មិនព្រម​ព្រោះ​គេ​បាន​ធ្វើ​តេ​ស្ត​យើង​ពេញមួយថ្ងៃ​ ​ហើយ​ពេញចិត្ត​នឹង​តួ​នាងខ្ញុំ​។​”

            ប្រជាប្រិយភាព​របស់​តារា​ស្រី​រូប​នេះ​ ​ចាប់ផ្តើម​មានការ​ទទួលស្គាល់​ពី​មហាជន​ខ្លាំង​នៅ​អំឡុង​ឆ្នាំ​២​០​១​៦​ ​តាមរយៈ​ភាពយន្ត​ភាគ​របស់​ស្ថា​នី​យ៍​ទូរទស្សន៍​មាន​ដូចជា​រឿង​ ​«​ភ្លើង​ស្នេហ៍​ភ្លើង​ឬ​ស្យា​»​ ​«​កូនក្រមុំ​លោក​មេឃុំ​»​ ​«​នេះ​ឬ​ជីវិត​»​ ​«​សង្សារ​មួយ​ខែ​២​ខែ​»​ ​«​ភ្លើង​ស្នេហ៍​ភ្លើង​គំនុំ​»​ ​និង​រឿង​ជាច្រើន​ទៀត​។​ ​បន្ថែម​ពី​នេះ​ ​កញ្ញា​ស្រី​ពេជ្រ​ក៏​មានឈ្មោះ​បោះ​សំឡេង​ខ្លាំង​នៅ​ក្នុង​ការ​សម្តែង​ភាពយន្ត​ខ្នាត​ធំ​ផង​ដែរ​ ​គឺ​រឿង​ ​«​នាឡិកា​ដាស់​វិញ្ញាណ​»​ ​ឬ​ ​«​T​h​e​ ​Clock​»​ ​ដែល​បាន​យកទៅ​បញ្ចាំង​នៅ​ប្រមាណ​១​០​ប្រទេស​។​ ​កញ្ញា​បាន​រៀបរាប់​ខ្លី​ៗ​ថា​ ​មកទល់​បច្ចុប្បន្ននេះ​កញ្ញា​បាន​ចូលរួម​សម្តែង​នៅ​ក្នុង​ភាពយន្ត​ខ្នាត​ធំ​ ​និង​រឿង​ភាគ​ទូរទស្សន៍​ប្រមាណ ​២​០​រឿង​ ​និង​មានរឿង​មួយ​ចំនួន​កំពុង​បន្ត​ការ​ថត​ ​និង​ត្រៀម​ចេញផ្សាយ​ជាបន្តបន្ទាប់​ ​បូក​ផ្សំ​និង​ការ​ថត​ពាណិជ្ជកម្ម​ឲ្យ​ផលិតផល​ជាច្រើន​ទៀត​។​ ​ដោយសារតែ​មាន​សមត្ថភាព​ក្នុង​ការ​សម្តែង​ខ្ពស់​ដូច្នេះ​ហើយ​ ​ទើប​ញ៉ាំង​ឲ្យ​កញ្ញា​ស្រី​ពេជ្រ​ ​បាន​ទទួល​ពានរង្វាន់​ ​Best​ ​Actress​ ​Award​ ​ពី​ ​Legend​ ​Cinema​ ​នៅ​ចុង​ឆ្នាំ​២​០​១​៩​ ​ជាតា​រា​ស្រី​ដែល​សម្តែង​ល្អ​​​ជាងគេ​។​

            កញ្ញា​ស្រី​ពេជ្រ​ ​ក៏បាន​លើកឡើង​ដែរ​ថា​ ​អាជីព​ជា​អ្នក​សិល្បៈ​ផ្តល់​ភាព​ម​មា​រញឹក​ជាច្រើន​ស្ទើរ​គ្មាន​ថ្ងៃ​សម្រាក​ ​ប៉ុន្តែ​ទោះ​យ៉ាងនេះ​ក្តី​ ​ក៏​កញ្ញា​នៅតែ​រីករាយ​នឹង​សមិទ្ធផល​ដែល​កញ្ញា​បាន​ទទួល​ក្នុង​ពេល​បច្ចុប្បន្ន​ជានិច្ច​។​ ​មិនតែប៉ុណ្ណោះ​ ​កញ្ញា​ស្រី​ពេជ្រ​តែងតែ​ពង្រឹង​សមត្ថភាព​ខ្លួនឯង​បន្ថែម​ជានិច្ច​តាមរយៈ​ការ​ហ្វឹកហាត់​ដោយខ្លួនឯង​។​ ​«​ពេលទំនេរ​នាងខ្ញុំ​ចូលចិត្ត​មើល​ការ​សម្តែង​របស់​សិល្បករ​បរទេស​ ​មើល​ភាពយន្ត​បរទេស​ ​ហើយ​យកមក​ហ្វឹកហាត់​បន្ថែម​ខ្លួនឯង​។​ ​ភាគច្រើន​ ​ពេល​ខ្ញុំ​សម្តែង​រួច​ ​ខ្ញុំ​តែងតែ​សួរ​អ្នកដឹកនាំ​ ​ដើម្បី​សុំ​ ​Feed​ ​Back​ ​ពី​គាត់​ ​ហើយ​បើសិនជា​ឆ្គង​ ​ខ្ញុំ​សុំ​គាត់​ថត​ម្ដងទៀត​ក៏មាន​»​។​ ​ក្រៅពី​នេះ​ ​កញ្ញា​ស្រី​ពេជ្រ​តែងតែ​ចំណាយ​ពេល​ត្រៀម​ខ្លួន​មុននឹង​ចេញ​សម្តែង​ប្រកបដោយ​វិជ្ជាជីវៈ​ដូចជា​ការ​ព្យាយាម​ចងចាំ​ ​Script​ ​និង​ដាក់​អារម្មណ៍​ឲ្យបាន​ល្អ​ក្នុង​ពេល​សម្តែង​ជាដើម​ ​ធ្វើ​យ៉ាងនេះ​ដើម្បីកុំឲ្យ​តួអង្គ​ដទៃ​ខូច​អារម្មណ៍​ ​លំបាក​ដល់​ក្រុម​ការងារ​ទាំងមូល​។​

            កញ្ញា​ស្រី​ពេជ្រ​បាន​បង្ហើប​ថា​ ​កញ្ញា​ក៏​មានបំណង​ចង់​ទៅ​រៀន​សម្តែង​នៅ​ប្រទេសជិតខាង​បន្ថែម​ ​ប៉ុន្តែ​មកទល់​ពេលនេះ​មិនទាន់​រក​ពេលវេលា​ស័ក្តិសម​នៅឡើយ​។​ ​កញ្ញា​បាន​បន្ថែម​ថា​៖​ “​នាងខ្ញុំ​មិនដែល​គិតថា​សមត្ថភាព​ខ្ញុំ​គ្រប់គ្រាន់​ទេ​ ចឹ​ង​បានជា​ខ្ញុំ​ស្តាប់​តាម​ការណែនាំ​តាម​អ្នកដឹកនាំ​ ​និង​អ្នកដទៃ​។​ ​ព្រោះ​ជីវិត​យើង​តែង​មានរឿង​ថ្មីៗ​កើតឡើងជា​និច្ច​ ​ដូច្នេះ​ហើយ​បានជា​ខ្ញុំ​គិតថា​អ្វី​ដែល​ខ្ញុំ​ចេះ​នៅ​មិនទាន់​គ្រប់គ្រាន់​នៅឡើយ​។​”

            បទពិសោធន៍​ការងារ​សិល្បៈ​យ៉ាង​ច្រើន​ ​បាន​ធ្វើឲ្យ​កញ្ញា​ស្រី​ពេជ្រ​ទទួល​បាន​ទាំង​ការ​គាំទ្រ​ ​និង​ឱកាស​ការងារ​ច្រើន​រាប់មិនអស់​។​ ​ចោទសួរ​ពី​គន្លឹះ​ក្នុង​ទទួលជោគជ័យ​ក្នុង​វិ​ស័​យ​សិល្បៈ ​កញ្ញា​ស្រី​ពេជ្រ​បាន​និយាយ​ថា​ ​អ្នក​ដែល​ស្រឡាញ់​ការងារ​សិល្បៈ​គួរតែ​បោះជំហាន​តាមរយៈ​ការ​ចូល​ប្រឡង​សមត្ថភាព​ក្នុង​កម្មវិធី​ណាមួយ​ ​ហើយ​បើ​ទោះបីជា​ប់​ឬ​ធ្លាក់​ក៏​យើង​នឹង​ទទួល​បាន​ក្រេ​ឌីត​ ​និង​ការ​ទទួលស្គាល់​ខ្លះ​ៗ​។​ ​បន្តម​ក​ទៀត​យើង​ព្យាយាម​ហ្វឹកហាត់​ខ្លួនឯង​បន្ថែម​ ​និង​ព្យាយាម​បង្កើត​ទំនាក់ទំនង​ជាមួយ​អ្នកដទៃ​ដែល​មាន​តួនាទី​ក្នុង​វិ​ស័​យ​សិល្បៈ​ជាដើម​។​

            គួរឲ្យ​ដឹងផង​ដែរ​ថា​ ​កញ្ញា​យ៉ែ​ម​ ​ស្រី​ពេជ្រ​ទើប​តែ​ថត​ចប់​រឿង​ ​«​គ្រោះ​ជីវិត​ កូ​វី​ដ​-​១​៩​»​ ​ជា​សាច់រឿង​ខ្នាត​ធំ​ដែល​បង្ហាញ​ពី​ទិដ្ឋភាព​សង្គម​បច្ចុប្បន្ន​នៅពេលដែល​បញ្ហា​ជំងឺ​សាកល​នេះ​បាន​កើតឡើង​។​ ​តួឯកស្រី​ក្នុង​រឿង​នេះ​ ​ក៏បាន​បង្ហើប​ផង​ដែរ​ថា​ ​រឿង​ ​«​គ្រោះ​ជីវិត​ កូ​វី​ដ​-​១​៩​»​ ​កំពុង​ស្ថិត​ក្នុង​ដំណាក់កាល​ផលិត​ ​និង​គ្រោង​ចាក់​បញ្ចាំង​នៅ​ក្នុង​ឆ្នាំ២០២១ ​នេះ​៕​

Article​ ​by​ ​HEM​ ​SO​KK​HIM​

Image Courtesy: Yem Sreypich


SUGGESTIONS